မိတ်ဆွေ ကျနော့ကိုတစ်ခုလောက်ကူညီပေးပါ ။ ကျနော်ကတော့ ကိုယ့်ကိုယ်ကိုလှေကားထစ်ကလေးတွေလို့ သဘောထားတယ် မိတ်ဆွေတို့အားလုံး ကျနော်ကို တစ်ထစ်ခြင်းတစ်ထစ်ခြင်း နင်းပြီး အပေါ်ရောက်နိုင်သမျှရောက်အောင် တက်သွားကြပါ ။ အဲဒီလို ကျနော့်ကို နင်းပြီးတက်သွားလို့ အပေါ်ကိုရောက်သွားတာကို ကြည့်ပြီး ကျေနပ်ပီတိဖြစ်ချင်လို့ပါ....................................... ..............................................................ကိုနိုင်.................................................

Thursday, August 29, 2013

Windows7 မှာ System Restore ပြုလုပ်ခြင်းနှင့် နည်းပညာများ



ဒီနည်းလေးကို အားလုံးပဲ သိသင့်တယ်ထင်လို့ ဒီနေ့ဒီပိုစ့်လေးကို ရေးလိုက်ရပါတယ်..။ အခုဒီနည်းက Backup Files လုပ်မထားတဲ့ စက်တွေမှာ အလွယ်သုံးတဲ့ နည်းလေးပါ..။ များသောအားဖြင့် ရတတ်သလို ၊ လုပ်မရတဲ့ အခါများလည်း ရှိပါတယ်..။ ကျနော်တို့ရဲ့ ကွန်ပျူတာမှာ ဆော့ဝဲလ်တွေကို အမြဲသွင်းလိုက်၊ ထုတ်လိုက် လုပ်နေတဲ့ အခါမှာ System Restore Point တွေဟာ များများလာပါတယ်..။ ဘာလို့လဲဆိုတော့ ဆော့ဝဲလ်တွေက သူတို့ကို သွင်းလိုက်တဲ့ အချိန်မှာ Restore Point တွေဖြစ်ပေါ်လာအောင် ကွန်မန်းတွေ ပါလာလို့ပါ..။ ဒါပေမယ့် တချို့ဆော့ဝဲလ်တွေကျတော့ ရှိပြီးသား Restore Point တွေကို ဖျက်ပစ်ပြီး ဒီဆော့ဝဲလ်ကို သွင်းတဲ့ အချိန်ကိုပဲ Restore Pointမှာမှတ်ထားပါတယ်..။ တချို့ဆော့ဝဲလ်တွေ ကျပြန်တော့ ရှိပြီးသား Restore Pointတွေအားလုံးကို ဖျက်ပစ်လိုက်ပါတယ်..။ အဲလိုဆော့ဝဲလ်မျိုးနဲ့ ကြုံခဲ့ရင်တော့ Restore Point ကို ပြန်ရှာလို့ မရနိုင်ပါဘူး..။ ဒီပိုစ့်မှာတော့ Restore Point တွေအများကြီး ရှိတဲ့ အထဲက.. တခုနဲ့ မရရင် တခုပြောင်းပြီး လုပ်တတ်အောင်လို့ ပြပေးသွားမှာ ဖြစ်ပါတယ်..။ စက်လေးလာတဲ့ အခါမျိုး၊ ဝင်းဒိုးပျက်တဲ့ အခါမျိုး၊ Error အမျိုးမျိုးကြောင့် ဘယ်ပရိုဂရမ်မှ ဖွင့်သုံးလို့ မရတော့တဲ့ အခြေနေမျိုးတွေမှာ..စက်ကိုပြန်ကောင်းလာစေဖို့.. လေးနေရာကနေ ပြန်ပြီးသွက်လက်လာစေဖို့ ဆိုရင်System Restore ကိုအသုံးပြုတတ်ကြပါတယ်..။ System Restore ဆိုတာ စက်ကောင်းနေတဲ့ အချိန် လွန်ခဲ့တဲ့ တပါတ်၊ တစ်လ ဒါမှမဟုတ် ၃၊၄ လလောက်အချိန်ထိ ပြန်ဆုတ်ပေးနိုင်ပါတယ်.. နာရီ၊ နေ့ရက် အချိန်တွေကတော့ ဒီနေ့ဒီအချိန်တိုင်း ရှိနေမှာပါ..။ ဒါကြောင့်ဒီနည်းလေးကို ကွန်ပျူတာရှိတဲ့လူတိုင်း တတ်ထားသင့်ပါတယ်..။ တော်ယုံ Error လောက်ကို ဆိုင်မှာသွားပြစရာမလိုပဲ မိမိတို့ ဖာသာ ဖြေရှင်းနိုင်ပါလိမ့်မယ်..။
System Restore ကို ဝင်တဲ့ နေရာမှာ တခုက စက်ဖွင့်လို့ ရတဲ့စက်တွေမှာ ဝင်နည်းတမျိုးနဲ့.. နောက်တခုက ဝင်းဒိုးမတက်တဲ့ (စက်ဖွင့်လို့ မရတဲ့)စက်တွေမှာ Safe Mode ကနေ ဝင်လို့ရတဲ့နည်း လေးတွေကို တင်ပြပေးသွားပါ့မယ်..။ ဒီပိုစ့်လေးကို တင်ပေးချင်နေတာ ကြာပါပြီး..။ ပုံတွေက အဆင်သင့် မရှိသေးလို့ ကြာနေတာပါ..။ အခုတော့ လိုအပ်နေတဲ့ ညီအစ်ကိုတွေလည်း ရှိလာပြီ ဆိုတော့ ဒီပိုစ့်လေးကို ပုံတွေအမြန် ဖန်တီးပြီး တင်ပေးလိုက်ပါတယ်..။ လိုအပ်တာလေးများ ရှိခဲ့ရင်လည်း သီးခံပြီး ဖတ်ပေးပါဗျာ..။ အရင်တုန်းက သူငယ်ချင်းတယောက်စက်မှာ ဝင်းဒိုးတင်ပေးပြီး ၆ရက်ပဲ ရှိသေးတယ် Internet Explorer Error တက်ပါလေရော..။ Broadband ဆော့ဝဲလ်ကို စက်ထဲထည့်လိုက်တာနဲ့ Internet Explorer Error တက်လာတာပါ..။ ဘယ်လိုက ဘယ်လို အခန့်မသင့် ဖြစ်သွားလဲတော့ မသိဘူး..။ ဝင်းဒိုးတော့ တက်လာတယ်..။ ဘယ်ပရိုဂရမ် တခုမှ ဖွင့်လို့ မရဘူး..။ ဘာပဲဖွင်ဖွင့် Internet Explorer Error ဘောက်စ်ပဲ ပေါ်လာပြီး ဘာမှဖွင့်လို့ကို မရဘူး..။ Desktop ပေါ်မှာရှိတဲ့ Icon တွေအားလုံး Internet Explorer ပုံတွေ ဖြစ်ကုန်တယ်..။ အဲဒီစက်မှာလည်း ဒီနည်းနဲ့ အဆင်ပြေသွားပါတယ်..။ Adobe Reader Error တက်တဲ့စက်မှာလည်း ဒီနည်းနဲ့ အဆင်ပြေသွားပါတယ်..။ စက်တိုင်းကို ရမယ်လို့ မပြောပါဘူး..။ ရတဲ့ စက်တွေလည်း ရပါတယ်..။ မရတဲ့ စက်တွေလည်း ရှိခဲ့ပါတယ်..။ တကယ်လို့ ဒီနည်းနဲ့ မရခဲ့ရင်Backup Files လုပ်ထားပြီးသား လိုပါတယ်..။ Backup Files နဲ့ဆို မရတာ မရှိပါဘူး..။ Backup Files မှ မရှိရင်တော့ Windows အသစ်သာ ပြန်တင်ဖို့ပဲ ရှိပါတော့တယ်..။ Backup Files ပြုလုပ်ပုံကို နောက်ပိုင်းမှာ ပိုစ့်တွေတင်ပေးသွားပါ အုန်းမယ်..။ အခုတော့ စာလည်းရှည်နေပြီဆိုတော့ ဒီနည်းလေးကို စလိုက်ကြရအောင်ဗျာ..။
အောက်ကပုံကတော့ စက်ကို စဖွင့်ဖွင့်ချင်း ဝင်းဒိုးမတက်ခင်မှာ.. F8 နဲ့ Safe Mode ထဲကို ဝင်တဲ့အခါ အရင်ဆုံးစတွေ့ ရမယ့်ပုံပါပဲ..။ အများအားဖြင့် စက်အများစုမှာ Safe Mode ထဲ ဝင်တဲ့ ကီးဟာ F8 ကီးပါ..။ တချို့ စက်တွေမှာတော့ မတူပါဘူး..။ မတူတဲ့ စက်တွေအတွက် F8 နဲ့ Safe Mode ထဲကို ဝင်လို့ မရရင် Google မှာ မိမိတို့ စက်ရဲ့ Model အမျိုးအစားနဲ့ စာရိုက်ပြီး ရှာကြည့်ပါ..။ ရှာလို့ ရပါတယ်..။ ကျနော် အရင်တုန်းက ဒီလိုပဲ ရှာခဲ့တာပါ..။ အောက်မှာ ပြထားတဲ့ ပုံလေးကို မြင်ရရင် အနီဝိုင်းထားတဲ့ စာသားနေရာကို ကီးဘုတ်က အပေါ်အောက်မျှားနဲ့ ရွှေ့ပြီး Enter ခေါက်လိုက်ပါ..။ ဒုတိယပုံအတိုင်း မြင်ရရင် System Restore စာသားနေရာကို ကီးဘုတ်မျှားနဲ့ ရွှေ့ပြီး Enter ဆက်ခေါက်ပါ..။





အပေါ်ပုံအတိုင်း ပေါ်လာပြီးရင် အောက်ပုံအတိုင်း မြင်ရပါလိမ့်မယ်..။ Choose a different restore point စာသားနေရာကို တချက်ကလစ်လိုက်ပါ..။





အပေါ်ပုံအတိုင်းမြင်ရရင်.. အောက်ပုံမှာ ဝင်းဒိုးထဲကနေ System Restore ကို ဘယ်လိုဝင်ရလဲဆိုတာ ပြထားပါတယ်..။ ဝင်းဒိုးတက်တဲ့ စက်တွေမှာ အောက်မှာပြထားတဲ့ ပုံအတိုင်း Search Box မှာ Restore လို့စာရိုက်ပြီး နံပါတ်စဉ်တိုင်း ဝင်သွားလိုက်ပါ..။ အပေါ်ပုံတွေကတော့ ဝင်းဒိုးမတက်တော့တဲ့ စက်တွေမှာ Restart ချပြီး F8 နဲ့ ဝင်ရမယ့် နည်းလေးပါ..။ ဒီအဆင့်ကို ရောက်ရင် အားလုံးတူသွားပါတယ်..။ ဒါကြောင့် ဒီနေရာမှာ အပေါ်နဲ့ အောက်လုပ်နည်း ခုကိုတွဲပြီး ပြထားတာပါ..။ ဝင်းဒိုးတက်တဲ့ စက်တွေမှာ အောက်ပုံလေးအတိုင်း နံပါတ်စဉ်တိုင်း နှိပ်သွားလိုက်ပါဗျာ..။




အပေါ်ပုံအဆင့်ကို ရောက်ရင် အစောဆုံး နေ့ရက်ကို ရွေးပြီး တချက်ကလစ် ယူပါ..။ 3 နေရာမှာ ပြထားပါတယ်..။ ပြီးရင်တော့ 4 နေရာကို ကလစ်လိုက်ရင် အောက်ပုံအတိုင်း မြင်ရပါလိမ့်မယ်..။

Finish ပေးလိုက်ပါ..။ ခဏကြာရင် မီတာချောင်းလေး ပြေးပြီး.. စက်ပိတ်ပြီး ပြန်ပွင့်လာပါလိမ့်မယ်..။




အပေါ်က ပုံမျိုးပေါ်လာရင်တော့ အောင်မြင်စွာ ရသွားပါပြီ..။ တကယ်လို့ မအောင်မြင်လို့ မရင်ရင်တော့ အောက်ကပုံမျိုးလေး ပေါ်လာပါလိမ့်မယ်..။ အဲဒါဆိုရင်တော့ System Restore Point မှာရှိတဲ့ မတူတဲ့ တခြားနေ့ရက်တွေကို ပြောင်းပြီး ထပ်လုပ်ပါ..။ တခုမဟုတ် တခုနဲ့ အဆင်ပြေသွားပါလိမ့်မယ်..။ တကယ်လို့ မိမိတို့ရဲ့ စက်မှာ System Restore Point တွေ မရှိတော့ဘူး ဆိုရင်တော့ ဒီအဆင့်ကို ရောက်လာမှာ မဟုတ်ပါဘူး..။ Safe Mode နဲ့ ဝင်တဲ့Windows Repair မှာတင် ပြတ်ကျသွားပါလိမ့်မယ်..။


ဒီလောက်ဆိုရင်တော့ System Restore ကို အသုံးပြုတတ်လောက်ပါပြီ..။ အားလုံးပဲ လုပ်တတ်ကိုင်တတ်၍ အဆင်ပြေကြပါစေဗျာ..။ စာလည်း အတော်ရှည်သွားပြီ..။

လွင်မင်းဗိုလ်ရဲ့မူရင်း Link ကိုထားပေးပါတယ်။




Startup Repair အသုံးပြုနည်းနှင့် Registry Repair မလုပ်ခင် Restore Point ဖန်တီးခြင်း-အသုံးပြုခြင်း

Windows Startup အဆင်မပြေတဲ့သူများနဲ့ မိမိတို့စက်မှာ ဆော့ဝဲလ်တွေ မထည့်ခင်၊ ဝင်းဒိုးထဲက Registry Error-Repair မလုပ်ခင် အချိန်တွေမှာ System Restore Point ဖန်တီးထား တတ်ဖို့နဲ့ ပြန်ပြီး Restore လုပ်တတ်အောင်ပါ..ဒီပိုစ့်မှာ ရှင်းပြထားပါတယ်..။
အရင်တုန်းက ပိုစ့်တခုတင်ပေးခဲ့ဖူးပါတယ်..။ အခုဟာကတော့ System Restore Point ဖန်တီးတတ်ဖို့နဲ့ ဖန်တီးထားပြီးသားကို ပြန်ပြီး Restore လုပ်တတ်အောင်ပါ ပြပေးထားပါတယ်..။ ဆော့ဝဲလ်တွေထည့်တဲ့အခါနဲ့ Windows Updateတက်သွားတဲ့အခါတွေမှာ အရင်ရှိပြီးသား Restore Point
တွေ ပျက်ကုန်တတ်တဲ့အတွက် မိမိတို့အနေနဲ့ သတိထားပြီး Restore Point
တွေကို မကြာမကြာဖန်တီးပေးထားပါ..။ ဒါမှသာ ဝင်းဒိုးမှာ ကြီးကြီးမားမား Error တွေကနေ ကာကွယ်ပြီးသား ဖြစ်မှာပါ..။ Starting Windows မတက်နိုင်အောင် အများဆုံးဖြစ်တတ်တဲ့ အခါတွေကတော့ ဝင်းဒိုးထဲက Registry Error တွေကို ဆော့ဝဲလ်တွေသုံးပြီးရှင်းတဲ့အခါတွေမှာ အဖြစ်များပါတယ်..။CCleaner နဲ့ Advanced System Care လို System Tools တွေကို အသုံးပြုပြီးတဲ့အခါတိုင်း စက်ကို Restart မချပဲ တခြားဆော့ဝဲလ်တွေ ထပ်ပြီး Install ထည့်လိုက်ရင် ဒီလို Starting Windows မတက်နိုင်တော့တဲ့ Error တွေ ဖြစ်တတ်ပါတယ်..။ ဒီ System Tools တွေက တကယ်တော့ ဝင်းဒိုးတွေအတွက် အရမ်းကောင်းပါတယ်..။ ဒါပေမယ့် မသုံးတတ်ရင် အန္တရာယ်ဖြစ်တယ် ဆိုသလိုပဲ ဒီ System Tools တွေကို အသုံးမပြုခင် ဒီပိုစ့်ကအတိုင်း Restore Pointတခုအရင်လုပ်ထားပါ..။ System Tools
တွေကို အသုံးပြုပြီးတဲ့အခါတိုင်း တခြားဆော့ဝဲလ်တွေ မထည့်သေးပဲ မိမိတို့ရဲ့ စက်ကို အရင် Restartချပေးလိုက်ပါ..။ စက်ပြန်တက်လာမှ တခြားဆော့ဝဲလ်တွေကို ထည့်သုံးပါ..။ ဒီလိုဆိုရင် ဝင်းဒိုး မတက်နိုင်တော့တဲ့ ဘေးက ကင်းဝေးပါလိမ့်မယ်..။

နောက်တခုက Startup Repair လုပ်တတ်ဖို့ပါ..။ Startup Repairလုပ်တယ်ဆိုတာလည်း အမြဲတမ်းကြီး Repair လုပ်လို့ ရလိမ့်မယ်လို့ မမှတ်ထားသင့်ပါ..။ လုပ်လို့ ရတဲ့အခါတွေ ရှိသလို Repair လုပ်မရတဲ့အခါတွေလည်း ရှိပါတယ်..။ လုပ်လို့ရသည်ဖြစ်စေ၊ လုပ်လို့ မရသည်ဖြစ်စေ အားလုံးပဲ Startup Repair အသုံးပြုတတ်အောင် ဒီပိုစ့်မှာ ရှင်းပြပေးထားပါတယ်..။ ပုံတွေများလို့ ကြည့်ရတာ ရှုပ်တဲ့သူများအတွက် အလွယ်ကြည့်လို့ရမယ့် Video ဖိုင်လေးပါ ရှာပြီး ဒီပိုစ့်ရဲ့ အောက်ဆုံးမှာ ချိတ်ပေးထားပါတယ်..။ ဒီ Video လေးနဲ့လည်း အဆင်ပြေပါတယ်..။
Windows Boot Manager စာသားနဲ့ ပေါ်လာတယ်ဆိုရင်တော့ Startup Repair နဲ့ အဆင်မပြေနိုင်ပါ..။ ဒါပေမယ့် Startup Repairအရင်လုပ်ကြည့်သင့်ပါတယ်..။ မရတော့မှ Safe Mode နဲ့ဝင်ပြီး နောက်ဆုံးInstall ထည့်ခဲ့တဲ့ ဆော့ဝဲလ်၃၊၄ခုကို Uninstall နဲ့ ပြန်ထုတ်ပစ်လိုက်ပါ..။ အဲ့ဒါမှ မရသေးရင် System Restore နဲ့ ၁၀ရက်၊တစ်လ (Restore Pointဖန်တီးထားပြီးသား မရှိရင် ပေါ်သလောက်၊ ရှိသလောက် Restore Pointကို ရွေးပြီး) နောက်ပြန်ဆုတ်ပေးလိုက်ပါ..။ Restore Point တွေမှာလည်း သုံးလို့ရတဲ့ Point တွေရှိသလို၊ သုံးလို့မရတဲ့ Point တွေရှိနေပြန်ပါတယ်..။ ဒါကြောင့် Restore Point နဲ့ မရခဲ့ရင် Windows Image Backup File (OR) Recovery (Hidden Partition) အပိုင်းနဲ့သာ ရပါလိမ့်မည်..။ အဲ့ဒါတွေ မရှိရင်တော့ ဝင်းဒိုးအသစ်ပြန်တင်ဖို့သာ ရှိပါတော့တယ်..။ Windows Image Backup File ဖန်တီးနည်းနဲ့ Restore ပြန်လုပ်နည်း ကို အရင်တုန်းက ပိုစ့်တင်ပေးထားပြီးသားပါ..။ မလုပ်တတ်သေးတဲ့သူများ ပြန်ကြည့်ပေးပါ..။ အခုဒီပိုစ့်မှာ ဝင်ဒိုး Start up Repair အသုံးပြုနည်းနဲ့ Restore Point ဖန်တီးနည်းကို အောက်မှာ ပုံလေးတွေနဲ့ ဆက်ကြည့်နိုင်ပါတယ်..။

ဒီအောက်က ပုံလိုမျိုး Windows Boot Manager စာသားနဲ့ Error ပေါ်ခဲ့ရင်တော့ Start up Repair အပြင် System Restore Point ကို အသုံးပြုမှ အဆင်ပြေနိုင်ပါတယ်..။ ဒါကြောင့် ဒီ ၂မျိုးလုံး အသုံးပြုတတ်အောင် ဒီပိုစ့်မှာ ရှင်းပြပေးထားပါတယ်..။ လိုအပ်တဲ့သူများ အောက်မှာ ဆက်ကြည့်ပေးပါ..။
(
Windows Boot Manager မှာလည်း Error နံပါတ်တွေ မတူတတ်ပါဘူး..။ Errorနံပါတ်မတူသလို ဖြေရှင်းနည်းတွေလည်း မတူပါဘူး..။ ဒါကြောင့်ဒီလို A, B,နဲ့ပြပေးလိုက်တာပါ..။ C, ကတော့ F8 ကီးနဲ့ Repair နေရာကို ဝင်ခိုင်းတာပါ..။)



မိမိတို့ရဲ့စက်မှာ တခုခုအပြောင်းအလဲ လုပ်တော့မယ်ဆိုရင်.. ဒါမှမဟုတ် ဆော့ဝဲလ်တွေ Install မထည့်ခင်၊ Registry Repair မလုပ်ခင် Restore Pointတခုကို အရင်ဖန်တီးထားသင့်ပါတယ်..။ အဲ့လိုမျိုး Restore Point ဖန်တီးနည်းကို ဒီအောက်က ပုံလေးတွေ အတိုင်း လုပ်ပေးလိုက်ပါ..။
ပုံမှာ ပြထားတဲ့အတိုင်း အရင်ဆုံး Start ကနေသွားပြီး Computer >> Right Click >> Properties ကို ကလစ်လိုက်ပါ..။





ပေါ်လာတဲ့ ဘောက်စ်မှာ အောက်ကပုံအတိုင်း System Protection ကနေသွားပြီး Create ကို ကလစ်ပါ..။





နောက်ထပ်ပေါ်လာတဲ့ ဘောက်စ်ထဲမှာတော့ အောက်ကပုံအတိုင်း မိမိတို့ မှတ်မိလွယ်တဲ့ နာမည်၊ ဂဏန်း တခုခု ရေးထည့်လိုက်ပါ..။ ဒီမှာတော့ ကျနော်က ဒီိနေ့ Date ကိုပဲ ရေးထည့်လိုက်ပါတယ်..။ ပြီးရင်တော့ Create ကိုနှိပ်ပါ..။





အပေါ်ပုံအတိုင်း Successfully စာသားပေါ်လာရင် Close ပေးလိုက်လို့ ရပါပြီ..။ ပြီးရင်တော့ အောက်ကပုံအတိုင်း Apply >> OK ပေးလိုက်ပါ..။ အပေါ်ပုံမှာ ပြထားတဲ့ မျှားကတော့ မိမိတို့ ဖန်တီးလိုက်တဲ့ Restore Point ကို တကယ်ရှိမရှိ အဲ့ဒီ System Restore ကနေ ပြန်ဝင်ကြည့်လို့ ရပါတယ်..။ တကယ်လို့ ဝင်းဒိုး ဖွင့်လို့ ရပြီး စက်က ကြောင်ကြောင်တောင်တောင် ဖြစ်နေတယ်ဆိုရင် ဒီ SSystem Restore နေရာကနေ မိမိတို့ ဖန်တီးခဲ့တဲ့ Point သို့မဟုတ် တခြား Point တခုခုကို ရွေးပြီး စက်ကို နောက်ပြန်ဆုတ်ပေးလိုက်ရင် အရင်တုန်းက အတိုင်း ဝင်းဒိုး ပြန်ကောင်းသွားပါလိမ့်မယ်..။





အပေါ်ကပုံကတော့ Start >> Search နေရာမှာ Restoreလို့ရိုက်ထည့်လိုက်ရင် အပေါ်ဆုံးမှာ ဝိုင်းပြထားတဲ့ System Restore ပေါ်လာပါလိမ့်မယ်..။ ကလစ်လိုက်ရင် အောက်ကပုံတွေအတိုင်း ဆက်ပြီး ပေါ်လာပါလိမ့်မယ်..။ ဒီအောက်ကပုံကတော့ Restore Pointဖန်တီးထားတဲ့ နေရာကနေ ဝင်ပြီး လုပ်ပြထားတာပါ..။ ဘယ်နေရာကနေဝင်ဝင် အတူတူပဲ.. ဒီအောက်ကပုံ Next နှိပ်ရမယ့် နေရာကို ရောက်လာပါတယ်..။ အရင်တုန်းက တင်ပေးခဲ့တဲ့ ပိုစ့်မှာတုန်းကတော့ F8 နဲ့ Repair Your Computer နေရာကနေ ဝင်ပြီး System Restore အသုံးပြုနည်းကို လုပ်ပြပေးခဲ့တာပါ..။ ဝင်းဒိုး မတက်တော့တဲ့ စက်တွေမှာတော့ အဲ့ဒီနည်းနဲ့ လုပ်ယူရမှာပါ..။






နောက်တဆင့် ပေါ်လာရင် အမှန်ခြစ်ပေး မိမိတို့ နောက်ပြန်ဆုတ်လိုတဲ့ Pointတခုကို ကလစ်ပြီး Next ကိုနှိပ်သွားပါ..။ ဒီမှာတော့ ကျနော်ဖန်တီးထားတဲ့Restore Point ကိုပဲ ကလစ်ပြီး ပြပေးထားပါတယ်..။







အပေါ်ပုံတိုင်း ဆက်ပေါ်လာရင်တော့ Finish ပေးပြီး Yes ထပ်ပေးလိုက်ရင် System Restore အလုပ်လုပ်ပါပြီ..။ မိနစ်အနည်းငယ် အလုပ်လုပ်ပြီးရင် စက် Restartကျပြီး ပြန်တက်လာရင် System Restore အလုပ်လုပ်လို့ ပြီးသွားပါပြီ..။ တကယ်လို့ မအောင်မြင်ရင် နောက်တခါ Restore Point ထဲပြန်ဝင်ပြီး တခြား Pointတခုကို ထပ်ရွေးပြီး ထပ်လုပ်ပေးပါ..။ Point တခုမဟုတ် တခုနဲ့ အဆင်ပြေသွားပါလိမ့်မယ်..။

ဒီအောက်ကပုံတွေကတော့ Startup Repair လုပ်ဖို့ အရင်ဆုံး ဝင်ရမယ့် နေရာကို ပြပေးထားတာပါ..။ တချို့စက်တွေမှာ F8 နဲ့ Advanced Boot Options ထဲဖြစ်တဲ့ Repair Your Computer နေရာကို ဝင်လို့ရပေမယ့် တချို့စက်တွေမှာတော့ ဝင်းဒိုး Error ကြောင့်၊ ဗိုင်းရပ်စ်ကြောင့် F8 ကီးနဲ့ အလုပ်မလုပ်နိုင်ပါဘူး..။ အဲ့လိုဆိုရင်တော့ စက်ကောင်းတုန်းက ဖန်တီးထားတဲ့ System Repair Disc နဲ့ (မရှိရင်) ဝင်းဒိုးတင်လို့ ရတဲ့ DVD သို့မဟုတ် USBလိုအပ်ပါတယ်..။ အဲ့ဒါတွေကို အသုံးပြုပြီး မျှားပြထားတဲ့ နေရာ Repair Your Computer စာသားနေရာကို ရောက်အောင် ကီးဘုတ်က အပေါ်၊အောက်မျှားနဲ့ ရွှေ့ပါ..။ အဲဒီစာသားနေရာကို ရောက်ရင် Enter တချက်ခေါက်ပါ.. အောက်က ပုံတွေအတိုင်း ဆက်ပေါ်လာပါလိမ့်မယ်..။




F8 နဲ့ Safe Mode ထဲဝင်လို့ မရရင် Windows7 ခွေနဲ့ အောက်ကပုံလေးအတိုင်း ဝင်ပါ..။ System Repair Disc နဲ့ ဝင်မယ်ဆိုရင် Windows တင်နည်းအတိုင်း မိမိတို့စက်ရဲ့ Boot မီနူးထဲဝင်လို့ရတဲ့ F2, F12, Del, Esc စသဖြင့် မိမိတို့စက်ရဲ့ အမျိုးအစားအလိုက် ပေါ်လာတဲ့ ကီးတွေကို နှိပ်ပြီး ဝင်သွားလိုက်ရင် အောက်ကပုံအတိုင်း အဆင့်ဆင့် ပေါ်လာပါလိမ့်မယ်..။ ဝင်းဒိုးမတက်နိုင်တော့တဲ့ စက်တွေမှာ System Restore ကိုဒီအောက်က မျှားပြထားတဲ့ ပုံအတိုင်း ဝင်သွားလို့ ရပါတယ်..။




Startup Repair ကို ကလစ်ပြီး လုပ်ပေးလိုက်ရင်တော့ အောက်ကပုံလေးတွေအတိုင်း အဆင့်ဆင့် ပေါ်လာပါလိမ့်မယ်..။







Startup Repair ရတဲ့စက်တွေမှာတော့ အပေါ်ကပုံအတိုင်း ပေါ်လာပြီး Restartချခိုင်းရင် Finish ပေးလိုက်ပါ..။ လုပ်လို့မရရင်တော့ အောက်ကပုံတွေအတိုင်း ပေါ်လာပါလိမ့်မယ်..။ အဲ့ဒါဆိုရင်တော့ System Restore ကို အသုံးပြုပေးလိုက်ပါ..။

Startup Repair is checking your system for problem...ဆိုပြီးပေါ်လာရင်တော့ System Restore အသုံးပြုမှာလာ မေးလာရင်တော့ မိမိတို့ ကြိုက်ရာရွေးပြီးသာ လုပ်ပေးလိုက်ပါ..။ ဒီနေ့ကျနော်ရေးတဲ့ပိုစ့်က ဒီမှာတင် ပြီးဆုံးသွားပါပြီ..။




Finish ပေးပြီး ထွက်လိုက်လို့ ရပါပြီ..။ လိုအပ်ရင် အောက်က Video လေးနဲ့လည်း အဆင်ပြေပါတယ်..။ အားလုံးပဲ လုပ်တတ်ကိုင်၍ အဆင်ပြေကြပါစေ..။
Startup Repair Video


လွင်မင်းဗိုလ်ရဲ့ မူရင်းဆိုဒ်ကို   ဒီကနေ   သွားကြည့်နိုင်ပါတယ်။


0 comments:

Post a Comment

Related Posts Plugin for WordPress, Blogger...

ဆွေးနွေးရန်

နိုင်ငံအလိုက်လာလည်ကြသူများ

free counters FLAG COUNTER

Followers